Það má segja að öll hreyfing brenni fitu.
Æfingaaðferðirnar eru misjafnar og skiptir engu máli hvort þú tilheyrir hópnum sem skokkar á hlaupabretti, eða lyftir lóðum eða gerir hvoru tveggja.
Ef þú æfir af mjög mikilli ákefð eru líkur á að þú endist stutt í einu og því er oftast betra að æfa með miðlungs ákefð til að geta haldið lengur á fram
og því brennt fleiri hitaeiningum og hærra hlutfalli af fitu.
Einnig skal hafa í huga að hitaeiningarnar í fæðunni verða að vera hóflegar til þess að létting eigi sér stað.
Æfingar eru átök og öll átök kosta líkamann hitaeiningar.
Þannig verka æfingar sem hvati á heildarbrennsluna og flýta fyrir.
Það að ætla að losna við aukakílóin án æfinga er einungis fyrir þá sem ætla að vera mjög lengi að því
og hafa ekki skilning á grundvallaratriðum eðlisfræðinnar sem er undirstaða fitubrennslu
Ef þú ert í góðu formi getur þú æft svokallaða „Interval þjálfun“ en eitt form af þess konar þjálfun er þannig
að þú hleypur af miklum krafti í tvær mínútur og gengur svo í eina mínútu.
Þú endurtekur þetta svo aftur og aftur í 20-30 mín.
Mikilvægt er að hita upp áður t.d. með 5 mín. röskri göngu og kæla niður í lokin á sama hátt.
Skv. nýjustu rannsóknum er þessi teg. þjálfunar talin vera afar góð leið til fitubrennslu en er í flestum tilfellum of erfið fyrir byrjendur.
Hjartsláttartíðni er einstaklingsbundin en þumalfingursreglan er að æfa á 65-80% af hámarkspúls, sem er 220 mínus lífaldur.

Við mælum með eftirfarandi æfingaleiðum:

Gym-fit námskeið
· Spinningtímum
· Activio hjólatímum
· BodyPump
· Þol og styrktarþjálfun í tækjasal
· Stöðvaþjálfun
· Hot-Yoga
· Tabata
· Warm-fit
· SB 30/10
· Zumba
Vaxtamótun
U-fit
Yoga